profile image
by MAHI__TAB
2 weeks, 6 days ago

#بالعقل

ماهو مش كل ما تتعلق في حاجة تعملها فيه حاجات لو اتعلققت بيها هتضرك... لو حبيت ماتشات الكورة وقضيت أيامك ولياليك تتفرج على كورة إمتى هتعمل حاجة مفيدة ؟! ولو قضيت يومك على الفيس والنت، تتنقل من صورة لفيديو لقصة ومطلعتش بشيء مفيد يغيرك للأحسن هتكون انت الخسران ! لو فضلت متعلق بالأكل والشرب وتتفن فيهم وفي أصنافهم، تقدر تقول لي إمتى هتعيش لإنسانيتك وتسيب بطنك شوية ؟! لو اتعلقت بالمسلسلات والأفلام وعشت حياتك عشانهم، هتخرج إمتى من عالم الخيال للواقع؟! التعلق بحاجات مش مفيدة ليك كإنسان هيخليك فريسة ليها، وبدل ما تكون الحاجات دي حاجات فرعية وهامشية تساعدك على الأهم، هتقع في حبالها وتفترسك وتضيع إنسانيتك.. العاقل ميوقعش في الفخ ده، ما يخليش الوسيلة هي الغاية.